TFFK

Les denne siden på bokmål

Gažaldagat ja vástádusat

Divišuvdnamodealla nu go lea tevdnejuvvon áššis evttohus jođiheamistruktuvrii, ovdanbukte oktasašlávdegoddái Girkonjárggas geassemánus. Govva: Hege Wallenius
Maŋŋel oktasašlávdegotti čoahkkimis Girkonjárggas geassemánus, gos evttohus jođiheamistruktuvrii meannuduvvui áššin, bovdii prošeaktajođiheapmi sáddet gažaldagaid áššái. Dá lea gažaldagat mat bohte ja prošeaktajođiheapmi lea vástidan daid.

Gažaldat 1:
Ovdanbuktimis geardduha Karianne (bargolávdegotti jođiheaddji) ahte oktasašlávdegoddi lea meannudan hoavdadássi 1 ja 2.

Son dadjá viidásat ahte hoavdat dán guokte dásis galget ovttas gávnnahit daid buoremus fágalaš čovdosiid: “Masa leat sii čeahppi Finnmárkkus, mainna galget sii doppe bargat. Masa leat sii čeahppi Romssas, mainna galget sii doppe bargat.”

Manne son dalle lea oktasašlávdegoddi mearridan ahte rehketdoallu ja sisaoastin ossodatjođiheaddji (mii gullá ekonomiija ja strategiija plánemii mii lea divišuvdna plánen ja ekonomiijas) galgá leat nuortan?

Guđemuš ákkat leat vuođđun ahte justa dát guokte jođiheaddjivirggi, mii lea hoavdadássi 3, fágalaččat jođihuvvo buoremusat Finnmárkkus?

Vástádus:
Prošeaktajođiheapmi ii dovdda manne oktasašlávdegoddi evttohii dan ja lea politihkalaš árvvoštallojuvvon. Mearrádus lea gávdnamis, muhto ferte dahkot čielggadeapmi mo dan čoavdit prošeaktabarggus viidásat.

 

Gažaldat 2:
“Oktasašlávdegoddi sihtá prošeaktajođiheami bargat viidásat jođihanstruktuvrrain nu go lea čilgejuvvon divišuvdnamodeallas.”

Mainna áigut vel bargat viidásat dál?

Vástádus:
Prošeaktajođiheapmi lea ráhkadan jođiheaddjistruktuvrra evttohusa ja eai leat vel visot detáljaid čielgadan olles organisašuvnnas. Vástádusat bohtet prošeaktaáigodagas, gos stivrenjoavkkut, prošeaktajoavkkut ja áššedovdijoavkkut fertejit buktit evttohusaid heivvolaš bálvalusfálaldaga organiseremii.
Prošeaktajoavku bargagoahtá dál dáid iešguđet mandáhtain dain iešguđet prošeaktajoavkkuide.

 

Gažaldat 3:
Romssa ja Finnmárkku nuoraid ovddas háliidivččiimet diehtit leat go prošeaktajođiheamis jurdagat gos nuoraidáŋgiruššan galgá leat dan ođđa regiovnnas?

Dál lea dat Romssas oahppoetáhta vuolde ja Finnmárkkus fas kulturetáhtas.

Áššedovdijoavkkus lea dušše mandáhta ásahit nuoraidráđi čakčat 2019:s.

Lea go mis vejolaš viiddidit mandáhta mas mis dadjat eanet servodatovdánahttin áŋgiruššama birra?

Vástádus:
Dán birra árvvoštallojuvvo prošeaktaáigodagas. Prošeaktajođiheapmi áigot dál geahččat dáid iešguđet mandáhtaid prošeaktajoavkkuin, geahččat lea go juoidá mii ii leat šaddan ovttage prošeaktajovkui ja áššedovdijovkui. Jus ii leat ovttage mandáhtas daid iešguđet prošeaktajoavkkuin, de prošeaktajođiheapmi dahká diŋgojumi.

 

Gažaldat 4:
Mo mearridit gos internationála jođiheapmi galgá leat? Dat boksa lea fiskat ja lea ain eahpečielggas maŋŋel oktasašlávdegotti mearrádusa.


Vástádus:
Prošeaktajođiheapmi oaivvilda Romssas ja Finnmárkkus ain galgá leat fuomášupmi internationála bargui. Dát bargu boahtá leat divišuvnnain ja ossodagain, muhto váldo ovddasvástádus internationála bargui ferte čielgaduvvot. Mo dát bargu galgá organiseret ii leat vuos čielgaduvvon justa dál ja ferte čielgaduvvot prošeaktaáigodagas. Prošeaktajođiheapmi leat sihtan buktit evttohusa mo internationála bargu galgá organiserejuvvot dan ođđa organisašuvnnas.