TFFK

Les denne siden på bokmål

Ruoná čuovga divišuvdnamodellii

Gulut bealde: Ulf T. Ballo (Oktasašlávdegotti nubbijođiheaddji), Kari-Anne Opsal (Oktasašlávdegotti jođiheaddji) ja prošeaktajođiheaddjit Stein Ovesen ja Øystein Ruud.
Oktasašlávdegoddi lea mearridan ahte ovttastahttin prošeaktajođiheapmi galgá joatkit bargat jođiheamistruktuvran nu go lea čilgejuvvon divišuvdnamodeallas.

Evttohus jođiheamistruktuvra birra lei áššin oktasašlávdegotti čoahkkimis sihke gaskavahkku ja duorastaga. Maŋemuš beaivve dahke čuovvovaš mearrádusa:

“Oktasašlávdegoddi sihtá prošeaktajođiheapmi joatkit bargat jođiheamistruktuvran nu go lea čilgejuvvon divišuvdnamodeallas.
1. Rehketdoalu ja sisaoastin ossodatjođiheapmi bidjo nuorttas.
2. Virgenammadeapmi čađahuvvo siskkáldas almmuhemiin
3. Válljejuvvo virgádanlávdegoddi geat virgádit hálddahushoavda ja njeallje divišuvdnadirektevra. Dát leat mearreáigevirggit.

Lávdegottis leat njeallje politihkkára ja guokte luohttámušolbmo;
Oktasašlávdegottis válljejuvvojit:
Ulf Trygve Ballo, Bb - jođiheaddji
Lise Svenning, Ob
Irene Lange Nordahl, Gb
John Karlsen, OvB»

Vuosttáš cealkkaoassi mearrádusas lea bargolávdegotti árvalus. Cealkkaoassi dohkkehuvvui golmma vuostejienain. Muđui lea mearrádus vuođđuduvvon bargiidbellodaga lasseárvalusain maid Ragnhild Vassvik ovddidii. Dán bidjet bargolávdegotti árvalusa vuostá ja dan maiddái mearriduvvui golbma vuoste jienain.

 

– Addá ovdáneami bargui

Oktasašlávdegotti jođiheaddji Kari-Anne Opsal deattuhii dehálašvuođa evttohusa jođiheamistruktuvrra áššis ovdal go ovdanbuktin álggahuvvui gaskavahku. Prošeaktajođiheapmi guovttos Øystein Ruud ja Stein Ovesen ovdanbuvttiiga ášši. Soai rávviiga lávdegotti válljet divišuvdnamodealla

– Mii leat duhtavaččat go oktasašlávdegoddi lea mearridan modealla maid prošeaktajođiheami leat bargat ovttas. Dát buktá ovdáneami bargui, ja mis lea buorre struktuvra viidásat bargat dainna. Oru dan láhkái ahte jođánit virgádit dan ođđa jođiheami. Mii leat ovtta lávki viidásat huksemin dan ođđa fylkkasuohkana, dadjaba Ovesen ja Ruud.
Soai oaivvildeaba dat lea dorvvolašvuohta go oktasašlávdegoddi eanetloguin ovttas dohkkehit divišuvdnamodealla.


– Mii áddet dat leamašan ballu ja eahpesihkkarvuohta, ja mii dovddastat ahte nu dat lea, muhto dál lea juoidá masa doaladuvvat.

Prošeaktajođiheami viidásat barggu birra dadjet sii ahte gaskavuohta gaskal ovttastahttinprošeavtta ja hálddahushoavda gii galgá virgáduvvot, ferte čielgaduvvot.

– Prošeakta joatká viidásat nu go lea dál dássái go hálddahushoavda lea virgádan.

 

Eanet evttohusat bellodagain

Sosialisttalaš gurutbellodat (SG) ja Rukses, Ellen Øseth, evttohii ahte prošeaktajođiheapmi berre bargat viidásat jođiheamistruktuvran. Sii maiddái oaivvildit ahte jumešmodealla lea justa dál buoremus, muhto ii ge dát modealla leat optimála guhkkit áigái.

Trine Noodt, Gurutbellodat, ovddidii rievdadusevttohusa divišuvdnamodellii. Sii evttohedje divišuvdna johtalus ja plána ja ekonomiija jođihit nuortan, ja divišuvdna kultuvra ja eallinláhki, maiddái gelbbolašvuohta jođihit oarjjil.

SG ja Rukses evttohus fidnii vihtta jiena ja ii dohkkehuvvon. Gurutbellodaga evttohus fidnii guokte jiena ja ii dohkkehuvvon.

Jođiheddjiid bargodoaimmat juhket oarje- ja nuorttabeallái 

Divišuvdnamodeallas oidno mo jođiheaddjit leat juohkásan ruoná ja alit bovssaide, ja vel okta fiskes boksa. Ruoná bovssa jođiheaddjit leat bidjon oarjjás (otná Romsa), ja alit bovssa jođiheaddjit leat fas bidjon nuorttas (otná Finnmárku). Okta fiskes boksa, ii leat vuos mearriduvvon gos jođiheaddjit galget leat.

Divišuvdnamodeallas leat golbma hoavdadási: hálddahushoavda (dássi 1), divišuvdnadirektevra (dássi 2) ja ossodathoavda (dássi 3). Hálddahushoavdda kánturbáiki lea oarjin.

Divišuvdnat

Hálddahushoavddas lea jođihanovddasvástádus divišuvdnadirektevrraide. Leat njeallje divišuvdnadirektevrra, ja sii jođihit dáid divišuvnnaid.


• Johtolat (oarjji)
• Kultuvra ja eallinláhki (oarjji)
• Ealáhus ja gelbbolašvuohta (nuorta)
• Plána ja ekonomiija (veahkkehálddahushoavda) (nuorta)

Ossodagat

Divišuvdnadirektevrrain lea jođihan ovddasvástádus ossodagaide. Dá leat dat ossodagat, juhkkon njeallje divišuvnnaide.

Johtolat


• Kollektiva (oarjji)
• Luodda – doaibma(oarjji)
• Luodda – plánen (nuorta)
• Girdi, hápmanat ja gearggusvuohta (nuorta)

 

Kultuvra ja eallinláhki


• Bátnedearvvašvuohta (oarjji)
• Plána, álbmotdearvvašvuohta ja kulturmuitu (oarjji)
• Kultuvra (nuorta)


Ealáhus ja gelbbolašvuohta


• Ealáhus
• Oahppu – oarjji (oarjji)
• Oahppu – nuorta (nuorta)
• Rávesolbmuidoahpahus, karrieara ja ovttaidahttin (nuorta)

Plána ja ekonomiija (veahkkehálddahushoavda)


• Bargit ja bálká, kvaliteahttavuogádat ja personsuodjalusáittardeaddji (nuorta)
• Ekonomiija ja strategalaš plánen (nuorta)
• Internationála (eahpečielggas)
• Opmodat ja doaibma (oarjji)
• IT ja dokumeantahálddašeapmi (nuorta)

Okta vuođđojurdda mii lea modeallas, lea ahte bargiiddáhkádus ain gusto. Buot bargit galget beassat bargat doppe gos sii leat dál, muhto jođihemiid bargosadji šaddá doppe gos leat bidjot organisašuvdnakártta mielde

 

Jumešmodealla

Prošeaktajođiheapmi lea árvvoštallan guokte jođiheamistruktuvra modealla, divišuvdnamodealla ja jumešmodealla, ja sii leat mearridan evttohit divišuvdnamodealla. Prošeaktajođiheapmi čilgii oktasašlávdegoddái manne sii eai válljen evttohit jumešmodealla:

– Prošeaktajođiheapmi ii oainne ahte dát guokte modealla devdet bargiiddáhkádusa buoret go dat nubbi. Beroškeahttá modeallain lea bargiiddáhkádus addon bargiide, dadjá Stein Ovesen prošeaktajođiheapmi ovdanbuktimis oktasašlávdegoddái gaskavahkku.

Prošeaktajođiheapmi oaivvilda ahte jumešmodealla soaitá ájihit ovttastahttinprošeavtta áššejođu.

– Dalle mii eat leat huksen doarvái suorggerasttildeame ovttasdoaimmaid, kulturovttasdoaibma ja dahkat nu vai hálddahusat ovttasbargagohtet, dajai Ovesen.

 

Bargoveaga ja doarjja ovttas

Prošeaktajođiheapmi evttoha bidjat bargoveaga- ja doarjjafunkšuvnnaid sierra divišuvdnii, plána ja ekonomiija.

Muhtin funkšuvnnat biddjojit hálddahushoavda vuollái. Dat leat funkšuvnnat mat láhčet hálddašeami ja politihkalaš dási: gulahallan, advokáhttakantuvrra, controller, čállingoddi, statistihka ja analysa.

Prošeaktajođiheapmi oaivvilda maiddái ahte divišuvdnamodealla sáhttá heivehit sihke parlamentáralaš stivrenvuohkái ja ovdagoddemodellii.

Loga eanet jođiheamistruktuvrra evttohusa birra dás